NATIONAL NEWS– Ginkumpirma ni Senate President Pro-Tempore ngan Acting Senate President Sherwin Gatchalian nga opisyal mabalik yana nga Lunes Hunyo 15, 2026, an sesyon ha kaluyo han isyu ha liderato ha Senado.
Sumala kan Gatchalian, iginpatuman la gihapon an mahugot nga seguridad ha Senado kalakip na an pagpapatuman han“no visitor policy” kumo kaparte han precautionary measures kanit ine ha hulga hiton seguridad nga nahi-report han National Bureau of Investigation o NBI.
Una na nga nagpagawas hin memorandum an opisina ni Gatchalian han nakalabay nga Hunyo 9 para magpatuman hin heightened security protocols.
Kadungan hine, nagpapabilin nga dire nakakasaragbot ha liderato han Senado.
Subay kan Senator Alan Peter Cayetano, sadang an botos han 13 nga senador agud nga ma-validate an eleksyon han Senate president, samtang padayon gihapon nga gindedebatihan an nagin proseso han pagtatagmangulo ha Senado.
