Gin sigurado ni Senate Secretary Renato Bantug Jr., an kaandaman ha seguridad han Senado ha oras nga mahuna-hunaan ni Vice President Sara Duterte nga umatubang ha iya impeachment trial.
Kun manunumduman dida han udto han Martes in tigda nala nga umabot ha Senado hi VP Sara agud makighampang ha iya defense team pero waray ini umatubang ha iya trial.
Ginmalatumat ni Bantug nga kaupod ha gin istoryahan ha coordination meeting an security arrangement ha oras nga umatender an bise presidente anuman nga adlaw han iya trial, kun diin umatender dinhi an iya Chief of Staff nga hi Atty. Zuleika Lopez.
Sumala kan Bantug, pirme naman andam an ira protocol office agud makaghatag hin supriysyente nga assistance anuman nga oras nga ma-notify hira ha pag-abot han bise presidente.
Ha yana, waray pa abiso kun maabot hi VP Sara ha impeachment trial ha Martes kun diin ginpapaatubang han prosekusyon an iya COS nga hi Lopez.
Dugang pa ni Bantug, waray mahingadayi ha ira pagharampang an kasumpay ha impeachment trial.
