TACLOBAN CITY – Ginpatapod ni Senator Cynthia Villar an PHP10 billion nga competitiveness enhancement fund para mabuligan an mga parag-uma nga mag-mechanize ngan maka-produce hin mag-upay nga binhi hin humay.
Sumala kan Villar kumo chairperson han Senate Committee on Agriculture and Food, ini nga pondo in makakabulig ha mga parag-uma nga maapektuhan han quantitative restriction (QR) ha pag import ha bugas.
Pag esplikar pa han mao nga opisyal nga magli-liberalized an gobyerno ha pag import hin bugas ngan igsasalikway na an protectionist rice policies kumo compliance ha obligasyon han nasod ha World Trade Organization (WTO).
Mababaruan nga an QR, in usa nga preferential trade deal nga ginkuha han Pilipinas para magin myembro han WTO dida han nakalabay nga 1995 kon diin gindidiri hini an pagsulod han bugas nga habubo hin duro an presyo tikang ha iba nga nasodpara maproteksyunan an mga parag-uma ha foreign competition.
Manunumduman nga maiha na nga nagpapatuman hin QR an Pilipinas pero waray na ini magrenew ha WTO dida han nakalabay nga tuig.
An pagtanggal ha Quantitative Restriction an nagduso ha mga negosyante nga mag-import hin additional volumes han bugas tikang ha Southeast Asia ha 35-percent tariff.
An nakokolekta naman nga taripa in gingagamit para mapondohan an mass irrigation, warehousing, ngan rice research.
Dugang pa han sendora nga an pagliberalize han rice imports in gin-certify han Presidente kumo urgent nga makakabulig ini ha pagpahibubo han inflation rate sugad man ha pagpahibubo ha presyo han bugas kutob PHP7 kada kilo.
Mababaruan nga ginpahayag ni Agriculture Secretary Emmanuel Piñol nga kinahanglan gumastos an gobyerno hin PHP20 billion para mabuligan gud an mga parag-uma.
Pero, ginpahayag naman ni Villar nga an proposed PHP10 billion in pwede na magin initial allocation kay mahihingadto man tanan nga rice tarriff ha competitive enhancement fund.
Nakikit-an gihapon han senadora nga kinahanglan magmechanized gud o kon gumamit hin mga machines han mga parag-uma para mas dumako an ira produksyon hin humay tikang ha four metric tons ngadto ha unom ka metric tons kada ekatarya ngan makakabulig gihap ini nga mapahibubo an labor cost ha pag-uma
