-- Advertisements --

NATIONAL–Ginaalegar nga agsob nga dire naiintindihan hi Senador Robin Padilla, sumala ha chief of staff hine nga hi Atty. Rudolf Philipp Jurado, labi na mahuman han iya komentarya kanit hiton mental health han kabataan.

Gin-eksplikar ni Jurado nga ginpapakita han record ni Padilla an nagpapadayon nga pangandam hine nga makig-dayalogo ha mga magkuri nga isyu ngan sumuporta ha mga reporma ha balaod basar ha interes han nasud, bisan nga mayada kanit nga pulitikal nga ayat.

Ginmaltuamat niya an suporta ni Padilla ha anti-dynasty law, istorya kanit hiton parliamentary o federal government, medical cannabis, divorce, civil unions, pagpahabubo hiton minimum age of criminal responsibility, Sabah claim, charter change, ngan pagbabawal ha social media ha mga menor de edad, mga sensitbo ngan kontrobersyal nga isyu.

Sumala kan Jurado, dire nag-aatubili an senador nga suportahan an mgha isyu nga gintutudlok han iba nga taboo, dire popular, o mayada pulitikal nga ayat, bisan kun kontra ine ha iya kalugaringon nga interes, ha interes han iya mga kaalyado, o ha opinion han publiko.