Ginbaton ni Sen. Raffy Tulfo an nagin pahayag ni Sen. Pia Cayetano dida han Martes, Agosto 11, may paghisumpay han dire pa kumpleto nga membership han pira nga Senate committees.
Ginakusaran ni Tulfo hi Senate Minority Leader Alan Peter Cayetano nga nadelatar an trabaho han Senado mahitungod nga dire pa hini ginaaprubaran an pag-api han mga minority senator ha pira nga komite.
Mahitungod dinhi pira nga mga balaud kaupod an pagtindog han Department of Water, mga franchise bill, ngan balaudnon para ha reintegration han mga overseas Filipino worker in naka-delatar la gihapon kutob yana ngan 32 nga Senate Committees an waray pa makag-convene.
Waray naman ini kaayuni ni Pia ngan ginmalatumat hini nga kun mayda gusto igpadangat ni Tulfo ha mga Cayetano, puydi hiya pakianhan ngan dire dapat magdrama ha Senado hi Tulfo nga baga-baga hin “ginho-hostage” han minorya an mga komite.
Samtang, binmaton naman hi Tulfo nga bisan san-o in dire hini gingagamit an Senado para mag-grandstanding o kun magdrama.
