Natuo hi Senate President Pro-Tempore Ping Lacson nga waray usa nga mastermind ha maanomalya nga flood control projects.
Ginmalatumat ni Lacson nga ha iya pag-kita in kada rehiyon o kada district engineer in mayda mastermind.
Dugang pa hini nga waray u-usa nga mastermind pero mayda organisado nga grupo nga aada ha sakob ha usa nga ahensya ngan nagsasarang ha kada district engineering office an nagpapaluyo hini.
Pagtu-o pa ni Lacson nga waray usa nga tawo nga puydi mag-command o mag-mando ha tanan han regional director bisa pan Department of Public Works and Highways Secretary.
Kun mastermind liwat it pag-u-urusturyahon, ini in dapat fully-organized nga baga-baga hin mafia nga tanan in ha u-usa la ka-tawo matutudlok an mga ebidensya. Dire mangud la hi anay Cong. Zaldy Co an congressman contractor an nagmamanipula ngan nagiimpluwensya ha mga lugar nga mayda ghost flood control projects.
