Nagpahayag hin pagkabaraka hi Sen. Robin Padilla kasumpay ha kaandaman han gobyerno nga igbakwit an mga Pilipino ha butnga han nagtitikaduro nga kasamok ha Middle East mahuman an airstrikes han US ngan Israel kontra ha Iran.
Ginpakiana ni Padilla kun naandaman ba han gobyerno an katalwasan ngan posible nga evacuation han mga Overseas Filipino Workers (OFWs), labi na nga pira kasemana nga nag-andam an US ngan Israel ugsa iglunsar an pag-atake.
An opensiba in panuyo nga pahinayon an nuclear capabilities han Irana, samtang bumulos naman an Tehran pinaagi han drone ngan missile strikes kontra ha Israel ngan mga target han US ha Bahrain, Kuwait, ngan Qatar.
Syahan na nga gin sigurado ni Presidente Ferdinand Marcos Jr. nga nakaalerto an mga ahensya han gobyerno agud siguraduhon an katalwasan han Pilipino ha rehiyon.
