NATIONAL NEWS– Ginsumiter na ni Senator Imee Marcos ha Office of the Ombudsman an chairman’s report han Senate Committee on Foreign Relations.
May kasumpay ine ha pagkaka-aresto kan anay Pangulong Rodrigo Duterte nga gindara ha the Hague matungod ha kaso nga crime against humanity.
Ha nagin surat hine kan Ombudsman Samuel Martires, ginmalatumat ni committee chairperson Imee Marcos nga ha hearing in igbuyagyag an ginhimo han mga higtaas nga opisyal han gobyerno.
Ngan nagtutuo ine nga an nasabi nga mga pitad han higtaas nga opisyal han gobyerno in pwede nga umatubang ha criminal ngan administrative cases.
Pira ha mga opisyal nga karuyag han senadora nga imbestigaran han Ombudsman in hira Justice Secretary Jesus Crispin “Boying” Remulla, Interior Secretary Juanito Victor “Jonvic” Remulla, PNP chief Police Gen. Rommel Marbil, CIDG chief Police Gen. Nicolas Torre III, ngan Special Envoy for Transnational Crimes Markus Lacanilao.
Nagtutuo hi Imee nga an Ombudsman in waray kahadlok ngan waray ine gin-kakatigan ngan ira kakasuhan an angay nga kasuhan.
