Nagdig-on hi Senador Rodante Marcoleta nga dire hiya maato kun arestuhon man hiya ha masunod nga mga adlaw.
Sumala kan Marcoleta, hapsay niya nga ighahatag an iya kalugaringon ha mga otoridad kun mayda man arrest warrant kontra ha iya.
Manunumduman nga an Office of the Ombudsman pala an nanginginano ha mga reklamo kontra kan Marcoleta ngan dire pa ini nakakagsalawad hin actual case kontra ha senador.
Sugadman, nagdig-on hi Marcoleta nga posible mayda igpagawas nga warrant of arrest kontra ha iya ngan arestuhon na hiya han mga otoridad.
Kun mahitatabo man daw ini, dire hiya mapalag mahitungod nga trabaho han arresting officer nga igpatuman an warrant.
Labot pa hini, maaram hiya ha proseso han pag-aresto ha usa nga indibidwal.
Naaatubang hi Marcoleta ha plunder ngan indirect bribery complaints ha Office of the Ombudsman.
Ini mahitungod ha iya kapakyas nga ig-disclose an P75 million nga campaign donations nga iya nakarawat tikang kanda Mike Defensor ngan duha nga iba pa nga businessmen ha iya 2025 senatorial campaign.
An nasabi nga reklamo in dire pa naisasalawad ha anuman nga korte ha presente.
