-- Advertisements --
Waray malikayi ni Sen. Panfilo “Ping” Lacson nga dayawon hira Sen. Joel Villanueva ngan Sen. Francis “Chiz” Escudero ha nahitabo nga special sesion kakulop, Hunyo 17.
Sumalas kan Lacson, mas lumabaw ha duha nga senador an pagpapabalik han kredibilidad ngan kahapsay ha Senado.
Umatender an duha nga senador ha nasabi nga sesyon, rason agud makabug-os hin 13 nga quorum an majority bloc ngan makagdumara hin regular session, ha pangunguna ni Sen. Sherwin Gatchalian kumo Senate President.
Ha lain nga bahin, ginhangyo gihapon ni Lacson nga dire na hiya igbutang kumo chairperson han Senate Blue Ribbon Committee mahitungod nga takas na hiya mawarayan hin sangkay ngan natuod hiya nga mayda pa iba nga kwalipikado nga pagmamanguluhan an komite.
