Ginayat ni Senador Francis “Kiko” Pangilinan hi Senador Robin Padilla kasumpay han plano nga pagsusumite hini hin ethics complaint kontra ha iya, ngan ginmalatumat nga magpapasaka gihapon hiya hin kontra-reklamo mahitungod ha pananarhog ngan kawaray decorum ha Senado.
Ha post han senador dida han Martes han gab-i, ginmalatumat hini nga waray sakto nga legal nga basaran an reklamo nga karuyag igpasaka ni Padilla ngan ginsagdunan niya ini nga dire magin “balat sibuyas.”
Sumala pa ha senador, dire malilikayan an grabe nga diskusyon ngan paghitaas han boses ha butnga han mapaso nga debate ha plenaryo.
Ginmalatumat gihapon ni Pangilinan nga kun ipadayon ni Padilla an reklamo, magpapaska hiya hin counter-complaint kontra hini mahitungod ha pagtalapas ha parliamentary rules, kawaray han proper decorum, ngan panhadlok ngan harassment samtang naka-recess an plenary session.
Manunumduman nga nagtikang an tensyon ha butnga han duha nga senador mahuman pag-hisgotan ha Senado an harassment ngan human rights violation nga ginbuhat han mga tawo han National Bureau of Investigation ha pagprubar nga pagsirbi hin arrest warrant kontra kan Senador Ronald “Bato” dela Rosa dida han Lunes.
