Utro nga nagbul-iw hin grabi nga pahayag hi Sen. Imee Marcos kontra ha administrasyon han iya bugto nga hi Pres. Ferdinand Marcos Jr. ha usa nga rally han Iglesia ni Cristo ha EDSA-White planes dida han Martes, Hunyo 30.
Sumala ha senador, an presente nga administrasyon in usa nga “gobyernong tulog” ngan “lasing sa kapangyarihan” samtang gintagan-duon an sitwasyon han mga parag-uma ngan parupangisda ha nasud.
Ginkwestyon gihapon han bugto han presidente an nakatalaan nga working visit ni Marcos Jr. ha Canada yana nga Hulyo 1 kutob 4, ngan ginduon nga kinahanglan in mas ginuuna han administrasyon an mga problema ha sakob han nasud, kaupod an hitaas nga presyo han lana ngan mga pangunahon nga papliton.
Dire naman ini an siyahan nga higayon nga ginsukna han senadora an administrasyon an iya bugto. Dida han mga nakalabay nga bulan in kapira hiya nagpahayag han iya mga kritisismo kontra ha administrasyon.
Samtang, waray pa pahayag an Malakanyang kasumpay hini.
