Gin sukna ni Senator Imee Marcos an nagin desisyon han International Criminal Court (ICC) mahuman kumpirmahoon an mga kaso nga crimes against humanity kontra kan anay Presidente Rodrigo Duterte ngan igdayun an hearing kontra ha iya.
Ha usa nga pahayag nga ginpagawas dida han Hwebes, ginmalatumat ni Marcos nga an pitad han ICC in utro nga nagdudurot hin seryoso nga pamakianan kasumpay ha “selectivity” ngan ”fairness in the exercise of international justice.”
Sumala pa ha senadora, baga-baga hin mayda ”perception” an international court kasumpay ha gintututukan hini nga mga kaso kontra ha gudti nga nasud, samtang an mga dagko nga nasud in nagpapabilin nga talwas ha kaparehas nga kaso nga iginbabatak ha anay presidente.
Nagpahimatngon gihapon hiya nga an anuman nga pitad nga baga-baga hin nagba-bypass ha mga ”constitutional safeguards” agud makab-ot an mga politikal nga rason in nakakapagpaubos han pagtapod han publiko ha mga institusyon ngan nagpapahinay ha rule of law han nasud.
