Umaro hin pasensya hi Senador Erwin Tulfo mahuman an iya marahas nga pamahayag kanit ha pagpapaaresto, pagkwelyo, ngan pagbibitbit kan Sen. Alan Peter Cayetano ngan pira nga mga indibidwal tipagawas hiton session or plenary hall.
Subay kan Tulfo, dara la han emosyon an iya mga pamahayag ha paghihingyap nga diri na madelatar pa an trabaho para ha nasud pero ha kaluyo hini, aminado an senador nga sayop la gihapon an iya igin pakita nga batasan.
Pagduduon pa hini, diri ini angay nga kinaiya hin usa nga opisyal ilabi na hin usa nga senador salit nangangaro hiya hin pasaylo ha iya mga igkasi senador ngan ha mga Pilipino.
Ha kaluyo hini, gin amin han senador nga naapektaran an sesyon sugad man waray kahinayon an pag hingaday ha mga importante nga balaod mahitungod hiton diri pagkakaurusa ha senado.
Samtang, nanawagan naman hi Tulfo ha iya mga igkasi senador nga tapuson na an pagbuburublag ug ig pukos iton oras ha paghimo hin balaod ug pag-imbestiga ha mga iregularidad.
Dugang pa han senador, an pagkakaurusa in diri pag-atras ha laban kundi paguurusa hin kusog agud proteharan iton mga Pilipino.
Gin duon pa han senador nga ha panahon hin kakurian, angay la nga isalikway anay an personal nga interes ngan unahon an kaupayan han kada Pilipino.
