NATIONAL NEWS– Ginbatikos ni Senador Erwin Tulfo an pagkondena han Chinese Embassy ha mga pahayag han pira nga opisyal han Pilipinas kasumpay ha isyu han West Philippine Sea.
Subay kan Tulfo, waray katungod an Chinese Embassy nga sitaron an mga opisyal ha nasud ha ira mga pahayag kontra ha daw pagkamkam han China ha teritoryo han Pilipinas.
Pagdig-on hine, kun dire karawat han mga opisyal han embahada kun patiunano ginpapadalagan an demokrasya ha nasud, in pwede na an mga ine lumakat bisan anu nga oras.
Gintagan-duon han senado nga ada ha Konstitusyon han Pilipinas an freedom of speech sanglit nga angay la ine respituhon han mgab langyawanon.
Nag-ugat an isyu mahuman igpahayag ni Chinese Embassy Deputy Spokesperson Guo Wei nga dire lisensya an freedom of speech agud nga gubaon an lider han iba nga nasud.
Kasumpay hine, gindig-unano ni Tulfo nga kun karuyag han mga opisyal han China an respeto han mga Pilipino , kinahanglan nga respituhon nira an Konstitusyon han Pilipinas ngan kilal-on an nasud nga dire niya ginpapanag-iyahan.
