Nagpahimatngun hi Sen. Erwin Tulfo nga iya ipapadakop an bisan hin-o nga senador nga magbubuhat hin pagdungog han Senate Blue Ribbon Committee hin waray permiso tikang ha iya, mahitungod nga hiya an lehitimo nga chairman han komite.
Sumala pa hini nga iya dadanason pa gawas ha plenaryo kun dire an mga ini madadakop.
Ginbuhat ni Tulfo an pahayag kasunod han gindumara nga pagdungog han Cayetano bloc dida han Hunyo 4, kun diin ginpangunahan nir Sen. Pia Cayetano ngan Sen. Rodante Marcoleta an nasabi nga hearing.
Gintawag gihapon ni Tulfo nga “sham hearing” o peke nga hearing an ginbuhat han paksyon ni Cayetano. Duon hini nga dire ini otorisado han presente nga leadership han Senado ngan dire ini nasunod ha rules han Blue Ribbon Committee.
Manunumduman nga tumestigo ha Cayetano bloc an anay miyembro han Philippine Marines ngan ginakusaran an pira nga pulitiko ngan indibidwal nga kumarawat hin male-maleta nga kwarta. Kaupod ha mga gin-ngaranan hi Sen. Erwin Tulfo ngan Sen. Vicente “Tito” Sotto III. Nakatalaan naman an mga ini tumestigo utro ha pagdudumaraon nga opisyal nga Blue Ribbon Committee ha Lunes, Hunyo 8.
