NATIONAL–Nakaatubang hi Sen. Ronald “Bato” Dela Rosa ha usa nga ethics complaint mahuman ha ginaalegar nga pag-absent ha mga sesyon han Senado hin sobra 3 ka bulan.
Naghaon hin pormal nga reklamo an anti-corruption group nga “Wag Kang KuCorrupt” ha Senate Committee on Ethics and Privileges.
Ginduion nira nga an maiha nga pag-absent han usa nga nakalingkod nga senador in matatwagan nga “dereliction of duty” ngan pag-abuso ha pagtapod han publiko.
Dugang pa han grupo nga dire makakarawat nga padayon nga nakakakrawat hin kompensayson tikang ha kaban han nasud an usa nga opisyal han gobyerno kun dire naman ine tutumanan an iya mandato.
Ginpahayag gihapon ni anay Senador Antonio Trillanes IV nga magpapasaka gihapon hiya hin ethics complaint kontra kan Dela Rosa mahitungod ha maiha na nga waray umatender ha Senado.
Hihisgutan naman han Senate Committee on Ethhics and Privileges ha masunod nga semana an reklamo kontra kan Dela Rosa agud nga matudlok kun mayada ensakto nga basehan ha mas hilarom nga imbestigasyon.
