-- Advertisements --
TACLOBAN CITY – Ginlalauman nga tumambong yana nga adlaw han komemorasyon han Balangiga Encounter ha Eastern Samar an pira nga mga dumagko nga opisyal han nasud.
Sumala kan Fe Campanero, tourism officer han Balangiga Eastern Samar, ginlalauman nira nga magiging presente ha ira pagdudumaraon nga mga aktibidad kaparte han 120th Commemoration han Balangiga Encounter hi Senator Cynthia Villar ngan anak hini nga DPWH Sec. Mark Villar.
Labot pa ha mga ini in ginlalauman gihapon nga matambong hi Governor Ben Evardone, Cong. Fe Abunda ngan mga mayors ha Eastern Samar.
Mahugot naman nga ginsisiguro han mga ini nga magiging limitado la an mga audience o mga katawhan nga tutugutan nga makagkita ha mga aktibidad tungod han hulga han COVID-19 pandemic.
