NATIONAL NEWS– Nanindugan hi Sen. Bong Go nga magpapabilin ine ha minority bloc han Senado, bisan nga mag-usahan ine o magkausa.
Sumala ha iya, prinsipyo, pagtuo, ngan paninidugan an iya ginkakaptan ha butnga han pagbabag-o nga liderato ha Senado.
Ine an nagin pahayag han senador, kasunod han pormal nga pagkakatudlok, han bag-o nga Senate Majority ka kulop nga adlaw.
Dugang pa hine, panahon na agud nga tutukan an tinuod nga serbisyo ha publiko, labi na nga pira kasemana an nakawang ngan nagin “circus” nga sitwasyon ha sulod han Senado.
Utro nga nanawagan hi Go ha iya mga kaurupdan ha gobyerno nga unahon an kapakanan han mga Pilipino, partikular na an mga nakaka-abat hiton krisis.
Ginpasalamat naman niya hi Sen. Alan Peter Cayetano ngan iba pa nga kaurupdan ha minority bloc matungod ha ira madig-on nga paninindugan ngan sakripisyo.
