TACLOBAN CITY – Gin anunsyo han Social Security System (SSS) nga pwede na nga magfile hin retirement claims online an mga self-employed nga mga miyembro hini nga nag eedad 60-64 yrs old.
Sumala kan Richard Angelo Calahi, Regional Communication Officer han Social Security System Region 8, an coverage han mandatory online filing han retirement benefit claims pinaagi han My.SSS portal in ginpapahilawig ha mga self employed members tikang yana nga Hulyo 1.
Nahibaruan nga an retirement benefit in usa nga cash benefit nga ginhahatag ha SSS member nga dire na makakagtrabaho tungod han edad hini nga umabot na ha prescribed retirement age.
Tikang han naglabay nga duha katuig, sumala kan Calahi, an mga employee members, voluntary members, landbased overseas Filipino workers members sugadman an mga self-employed members nga nag eedad 65 paigbaw han panahon han ira retirement in ginmanduhan nga magfile han ira claims online.
Ginpapanawagan gihapon han SSS ha mga miyembro hini nga gamiton an online portal han ira buhatan ha pagproseso han ira magkadirudilain nga benefits.
