NATIONAL – Ginsiguro han Department of Budget and Management (DBM) nga padayon nira nga tatagan hin prayoridad an sektor ha edukasyon.
Sumala kan Budget Secretary Amenah Pangandaman, prayoridad la gihapon ha alokasyon han pondo an edukasyon nga kaparte han igin-duduso ha ilarom han Bagong Pilipinas.
Yana nga tuig, an Edukasyon an nakakuha hin pinakadako nga parte han pondo nga may ₱983.5 billion kun diin haros ₱133 billion an gin-alutagar para ha State Universities and Colleges.
Una na nga igin-pahayag han pira nga grupo hin mga magturutdo nga naglalaum hira nga igduduso han bag-o nga liderato han Department of Education nga igpapatuman han buhatan an United Nation standard ha pag-alutagar hin budget ha edukasyon nga aada ha 6% han gross domestic product han nasud.
