Gin klaro han Department of Justice nga magkabulag nga kaso an kasumpay ha reklamo nga sedisyon kontra kan Vice Presidente Sara Duterte ha gin kakaatubang hini nga ‘impeachment’.
Sumala kan Justice Spokesperson Atty. Polo Martinez, waray magigin epekto an ‘sedition case’ ha proseso han pagdungog ha ‘impeachment complaint’ nga iginpasaka kontra ha bise presidente.
Dugang pa hini, an impeachment complaint ngan criminal complaint in magkaiba ngan dire parehas an ginbubuhat nga proseso han pagdungog.
Kun manunumduman, ginpasakahan hin reklamo nga sedisyon ngan grave threats hi Vice President Sara Duterte han National Bureau of Investigation dida han 2025.
Kasunod hini han lantaran nga panarhog han bise presidente ha kinabuhi nira Presidente Ferdinand Marcos Jr., first lady Liza Araneta-Marcos, ngan former House Speaker Martin Romualdez.
An kaparehas nga pahayag in ginamit kumo usa ha mga basaranan han iginsalawad nga impeachment complaint kontra kan VP Sara nga presente ginhe-hearing ha komite han Kongreso.
Pero gintagan-duon han DOJ nga dire ini makakaapekto ha ginkakaatubang nga mga reklamo han bise presidente ha buhatan.
