VILLABA, LEYTE – Usa nga security guard an patay mahuman nga ginpanmusil han waray pa kakilal-i nga suspek samtang ini in na-duty ha National Irrigation Administration field office ha Brgy. Hibulagan, Villaba, Leyte dida han nakalabay nga gab-i, Pebrero 6, 2026.
Ginkilala an biktima kan alyas “Adie”, aada ha legal nga pangidaron, residente han Brgy. Belen, Leyte, Leyte, kun diin natad-an nala ini nga waray na kinabuhi ngan nalingkod ha usa nga mono-block ngan may inig-han dapit ha may tu-o nga talinga.
Sumala ha inisyal nga imbetigasyon, nga samtang an biktima in on-duty in tigda nala umabot an suspek ngan ginpanmumusil an biktima. Dayon naman nga umeskapo an suspek mahuman an nasabi nga panmusil.
Samtang, padayon naman iton ginbubuhat nga imbestigasyon han mga kapulisan agud matudlok ngan madakop an nagpapaluyo hini ngan masabtan an motibo han krimen.
