Usa pa nga mosyon an ginsumite ha Korte Suprema para naman hangyo-on nga mapa-uli na ha Pilipinas hi anay Presidente Rodrigo Duterte.
Ginpasaka han Panelo Law Office an ikaduha nga urgent motion to resolve para ha petitioner nga anak han anay presidente nga hi Kitty Duterte.
Basar ha petisyon, gindedeklara gihapon nira ha SC nga pagtalapas ha Saligang Batas an pag-dakop ngan pagpapadara kan Duterte ha The Hague, Netherlands ngan an pagpapabilin hini ha kustodiya han International Criminal Court.
Sumala ha petitioners, sobra usa na ka-tuig han magtikang magsumite an mga siyahan nga petisyon pero waray la gihapon baton an Korte Suprema.
Samtang, nakabutang gihapon ha mosyon an Senate Resolution No.44 nga may panuyuan nga matagan hin proteksyon an tanan nga mga Pilipino tikang ha posible nga pagpapadara ha mga foreign authorites sugad han nahinabo ha anay presidente.
