TACLOBAN CITY – Pagdudumaraon yana nga adlaw, Hunyo 28, an Nationwide Simultaneous Earthquake Drill para ha ikaduha nga kwarter han presente nga tuig, 2024.
Sumala kan Sher Rysia Saises, Information Officer hiton Office of Civil Defense Regional Vlll nga pagbubuhaton yana nga alas dos hiton kulop an nasabi nga ikaduha nga quarterly drill ha bungto hiton Silago, Southern Leyte kun diin, hira yana iton host para ha nasabi nga earthquake drill.
Dugang pa ni Saises, nga an basaran han pagpili hiton host para ha mao nga earthquake drill in kun hain iton lugar ha rehiyon an hirani ha fault line ngan ginkikita nga dako iton hazard o kun hain iton grabe nga maapektaran kun magkamayda hin makusog nga pagbay-og hiton tuna.
Ginmalatumat gihapon hini nga an pagbuhat han mao nga earthquake drill in dire paghatag hin kahadlok ha molupyo, lugod in agud matagan hin kadugangan nga impormasyon, kaadman ngan pangandaman kun magkamayda hin makusog nga linog.
Samtang, ginaaghat naman han opisyal an publiko nga bumulig ha mao nga aktibidad.
