TACLOBAN CITY – Magkakamay-ada hin dugang nga mga trabahador ha magkalain-lain nga negosyo para ha ti-arabot nga kapaskuhan.
Sumala kan Eugene Tan Presidente han Philippine Chamber of Commerce and Industry, yana nga tipag-parasko in may-ada gud increase ha mga panginahanglan kun diin nagmimiling gihapon hin kadugangan nga trabahador o empleyado.
Subay han mao nga opsiyal, kaurugan nga nagdudugang hin manpower amo an season ngan panahon nga nadepende nala ha dalagan hit negosyo ha mga tag-sa tagsa nga naghahire hine.
Dugang pa hine, dire liwat makakagdungan iton mga negosyante hin mga empleyado kun mahinay itun nesgosyo sanglit gin babaru-balanse gihapon ine nira ngan nadepende gihapon ha performance hitun nga nga trabahador.
Ginmalatumat han mao nga opisyal nga kun naabot itun bulan han Disyembre in ginlalauman nga damo itun tawo nga magkakagawas pamalit hin mga panginahanglanon para hiton kapaskuhan.
