TACLOBAN CITY – Positibo an Department of Education (DEPED) Regional Office 8 nga dire magkakaada hin learning gap ngan dire makokompromiso an bakasyon han mga estudyante ha Sinirangan Bisayas kasunod han nakatalaan nga pagpatuman han school calendar adjustment.
Ini in mahuman nga aprubahan ni Presidente Ferdinand ‘Bongbong’ Marcos Jr. an School Year 2024-2025 nga magtitikang yana nga Hulyo 29, 2024 nada ha Abril 15, 2025.
Sumala kan Jazmin Francisco Calzita, tagapagyakan han DEPED Regional Office 8, ginlalauman nira nga masusunod an tanan nga plano ngan activities para ha School Year 2024-2025 sanglit nagtutuo hira nga dire maaapektaran an learning competencies ngan dire makokompromiso an bakasyon han mga estudyante ha sugad nga school calendar adjustment.
Pag-abot han School Year 2025-2026 in ginlalauman na nga mabalik na tradisyonal nga June-March an school calendar ha bug-os nga nasud.
