TACLOBAN CITY – Igin-kalipay han mga studyante ha mag ka durodilain nga skwelahan an igin lunsar nga E-WALLET Disbursement han Technical Education and Skills Development Authority o TESDA Eastern Visayas.
An mao nga programa in para han mga scholars beneficiaries han nasabi nga ahensiya kun diin an panuyan hini in mabaton an problema sugad han damo nga papel nga anay hikayon ugsa nga maipagawas an ira mga allowances.
Sumala kan Riza usa nga studyante han ADFC ngan scholar han TESDA in dako ini nga bulig nga ira nakarawat tungod nga sugad kuno ha iya nga diri financial stable nga in diri na makukurian ha mga garastuson ha skwelahan.
An E-WALLET Disbursement in ginagamit sugad han online transaction kun diin usa ha mas advanced nga teknolohiy nga makaka pag transfer hin mas madagmit nga kwarta sugad han scholarship allowances han mga studyante.
Tungod hini maabot ha 5,000 nga studyante ha Leyte an makakatagamtam han ira scholarship pinaagi han programa han TESDA.
Subay ha TESDA 8, an Leyte o Eastern Visayas an pinaka una kuno nag-lunsar hini ha bug-os nga nasud Pilipinas nga susundan naman ini han iba nga rehiyon.
Dugang pa ni Riza, nga sisiguraduhon daw nira nga mamimintinar an ira grado para diri magin kawang an igin hatag ha ira nga bulig ngan makab-ot an ira mga hingyap nga makapaghuman ha ira pag eskwela.
