NATIONAL– Natuo an usa nga accredited lawyer han ICC nga malabo nga ig mando han Korte Suprema nga igbalik ha Pilipinas hi anay Presidente Rodrigo Roa Duterte yana nga ada na ine ha kustodiya han International Criminal Court.
Ginbuhat ni Atty. Joel Butuyan an pahayag kahumanm han padayon nga panawagan han mga taga-suporta han anay Presidente nga igbalik ine ha nasud.
Ha yana manggud in nakabinbin la gihapon ha Korte Suprema an consolidated habeas corpus petition nga ginsalawas han magburugto nga Duterte, nga nakwestyon ha legalidad han pag-aresto kan Duterte ngan an pagpapasara hine ha The Hague, Netherlands.
Sumala pa ha abogado, waray kakayanahan an SC nga magpagawas hin mando nga dire kaparte han kaso.
Duon pa hine, waray hurisdiksyon an Korte Supreman ha International Criminal Court labi na ha istoryahon han pagpapauli ha anay presidente tikang ha hurisdiksyon han international organization.
