-- Advertisements --
NATIONAL – Mapaso nga ginkarawat han Korte Suprema an ginpirmahan ni Presidente Ferdinand ‘Bongbong’ Marcos Jr. agud mahimo nga balaod an Republic Act No. 1223 o an Judiciary Fiscal Autonomy Act.
Panuyo manggud hine nga mapadig-on an nakasurat ha Konstitusyon nga magarantiya an awtonomiya han Hudikatura ha ilarom han Article VIII, Section 3 han Batakan Balaod.
Kun diin maghahatag ine hin dalan agud masigurado nga an ‘budget’ han Hudikatura in dire maiibanan kumpara ha nakalabay nga tuig nga alokasyon.
Pero ha kaluyo han nasabi nga probisyon, an panginahanglan ha budget han Hudikatura in danay dire natutuman mahitungod ha gintatawag nga ‘budget process’.
