Opisyal na nga igin anunsyo ha publiko han P-Pop Kings, SB19 an track list han ira upcoming album nga “Wakas at Simula.”
Ha usa nga media launch, igin paangbit han P-pop Kings nga hira Pablo, Josh, Stell, Ken ngan Justin nga may-ada unom na bag-o nga sonata an sulod han bag-o nga track nga “Wakas at Simula” kun diin, kaupod hini an 18 pa nga kanta tikang naman ha ira EP trilogy nga “Pagsibol,” “Pagtatag,” ngan “Simula at Wakas.”
An bag-o nga mga sonata in “VISA,” “Memories,” “Toyfriend,” “Everblack,” “Emoji,” ngan “Wakas.”
An “Toyfriend” in usa nga collaboration song han mga ini tikang naman ha J-pop boy group nga Be:First kun diin, una na ini nira nga gin perform ha DUNK Showcase ha Yokohama, Japan dida han nakalabay nga semana.
Samtang, an kanta naman nga “Emoji,” in usa nga collaboration song kaupod an Queen of C-Pop nga hi JOLIN TSAI, usa nga Taiwanese singer songwriter.
Ha lain nga bahin, an unom nga kanta tikang ha “Pagsibol” nira nga album in utro nga igre-record han mga ini kumo simbolo hin padayon nga pagribhong ha aspeto han musika kaupod an ira fanbase nga A’tin.
An mga kanta ha sakob han tracks in “Bazinga,” “Mana,” ngan “MAPA” nga usa nga minahal nga sonata han publiko nga gin kakanta para ha mga kag-anak.
Sumala hiton SB19, diri an mga ini mag bubuhag hin world tour yana nga “Wakas at Simula” EP pero magpeperform an mga ini ha North America, Europe, ngan Middle East yana nga tuig.
Nakatalaan gihap nga mag perform an SB19 ha syahan nga adlaw han Lollapalooza Festival ha Chicago ha ma abot nga July 30, 2026 kaupod hira LORDE, JOHN SUMMIT, 5 SECONDS OF SUMMER ngan iba pa.
