Gin palipay han mga OPM icon ngan mga sikat nga hitmaker an ira mga fans ha sunod-sunod nga sorpresa nga kolaborasyon ha OPM Con Generations 2026 nga nahinabo han Smart Araneta Coliseum.
Usa ha mga gin hulat nga performance han mga fans an P-POP Kings nga usa ha mga headliner ha mao nga concert. Gin tikangan han mao nga grupo an ira set pinaagi han hit song nga “GENTO” sinundan han “EMOJI,” “MEMORIES,” ngan “WAKAS.”
Mas nagin maaringasa naman an bug-os nga arena han sorpresa nga gumawas an rock Icon nga hi Bamboo ngan nakiusa ha SB19 ha powerful performance han “TATSULOK.”
Usa gihapon ha mga sorpresa nga kolaborasyon han kantahon han ALAMAT kaupod hi Jett Pangan an “SALAMAT,” samtang nakiusa naman an KAIA kan Sam Concepcion para ha kanta nga “DATI.”
Nakaupod gihapon han BEN&BEN hi Armi Millare nga kinanta an “PAGTINGIN” ngan hira Skusta Clee ngan Jay Durias in kaupod nga nag perfom nira Flow G ngan Chito Miranda ha sonata nga “KASAMA x HARANA.”
Labot la ha mga espesyal nga kolaborasyon, nagdurot gihapon hin mga pasabog nga performances an pira nga mga artista nga nagpapamatuod ha padayon nga kadasig han musika nga OPM.
Kaupod gihapon ha mga nakiusa an XONARA, G22, ngan SUNKISSED LOLA.
