Ginduon han House Prosecution Panel nga klaro nga “scam” ha publiko an sayop nga paggamit ni VP Sara Duterte han P612.5 million nga confidential funds.
Ginmalatumat ini ni Private Prosecutor Atty. Lorna Kapunan kasumpay ha iya presentation ha impeachment trial kun diin tumestigo dinhi hi Commission on Audit auditor Roderick Wamil para ha siyahan nga article of impeachment.
Ginabuyonan naman ini ni House Prosecutor ngan Bicol Saro Party-list Rep. Terry Ridon ha pamamaagi han pagkumpara ha paggamit ni VP Sara han confidential funds ha fertilizer ngan Priority Development Assistance Fund o PDAF scam nga “ghost” o dire matudlok an mga benepisyaryo.
Duon ni Ridon, ha pagkayana in dire insakto an liquidation han confidential funds ni VP Sara ngan dire klaro kun diin o kan kanay ini nangadto.
