NATIONAL NEWS– Gin-anunsyo han Department of Migrant Workers (DMW) nga naghatag an gobyerno han Saudi Arabia hin unom kabulan nga palugit para ha mga undocumented overseas Filipino workers (OFW), partikular na an mga runaway domestic workers, agud nga asikasuhon an ira mga dokumento ngan magpabilin ha nasabi nga nasud.
Sumala kan DMW Undersecretary for Middle East and African Affairs Jainal Rasul Jr., gin-anunsyo han Ministry of Human Resources and Social Development (MHRSD) han Saudi an gintatawag nga correction period para ha mga mantratrabaho nga may kaso nga tumakas ha ira mga employer.
Karuyag sidngon, gintagan hira han Saudi hin higayon kutob ha Nobyermbre 10 para makabiling hin bag-o nga agaron ngan maghahatag ha ira hin ‘iqama’ o bag-o nga work permit.
Gin-esplikar ni Rasul nga ha ilarom han grace period, makakabiling na an mga OFW hin bag-o nga employer nga dire namumultahan ha imigrasyon— nga danay in naabot ha SAR600 o sobra kumulang P9 million depende ha kahilaba han ira overstay.
