TACLOBAN CITY- Nagdumara hin Road Clearing Operations an mga tinaglawas han Business Permit and Llicensing Division BPLD, ngan sugadman han Traffic Operations Management Enforcement and Control Office TOMECO, partikular na ha may Brgy. Naga-Naga ngan
Nula-Tula Tacloban nga karasada.
Sumala kan Gemmafiel Gaspay, Head BPLD Tacloban City, nga an mao nga pansita in alinsunod ha ilarom han kamaduhan han DILG Memorandum Circular 2019-121 – Road Clearing Operations, kun diin gin pan-inspekyon han mga ine an mga junk shop, vulcanizing shop, ngan iba pa nga mga nagbabaligya ha ligid hiton karsada nga waray ginpapatamakan nga business permit.
Una na mangud nga naka-karawat an mao nga buhatan hin report kasumpay ha sidewalk/roadway obstruction ngan sugadman mga illegal parking violations ha mao nga areas.
Ha lain nga bahin, dakop gihapon ha mao nga operasyon an 4 nga MCH, kun diin waray an mga ine naipakita nga business permit, ngan an mga ine in dayon nga gin-empound han mga tinaglawas han mao nga ahensya, maabot naman ha 39 an na isyuhan hin citation ticket, samtang an iba naman in gintagan hin warning nga magkuha na hin business permit.
Nanawagan naman an mao nga operatiba nga mag hikay na han ira mga business permit agud nga dire an mga ine magkamayda hin problema ha ira pakabuhi.
