-- Advertisements --
TACLOBAN CITY – Gintikangan yana nga adlaw an panrelease han Social Amelioration Program (SAP) grant ha waitlisted nga benepisaryo ha syudad han Tacloban.
Sumala kan Chona Bahin, head han City Social Welfare and Development Office (CSWDO), maabot ha 316 nga mga benepisaryo an makakarawat hin tag-5 mil pesos yana nga adlaw.
Iginrelease ini pinaagi ha bayad center ha napulo nga mga outlets ha syudad.
Mayda naman 58 pa nga benepisaryo an ginlalauman nga makakarawat gihapon han mao nga ayuda ha masunod nga mga adlaw depende ha magiging anunsyo han DSWD.
