NATIONAL NEWS– Ginduduso ni House Majority Leader Ferdinand Alexander “Sandro” Marcos han Ilocos Norte nga tangalon an travel tax ngan nagtutuo ine nga napapanahon na nga matungod nga nagigin pas-anon la ine han mga Pilipino nga biyahero ngan nakakabalaong ha pag-ursa han ekonomiya.
Ginhaon ni Marcos an House Bill No. 7443 nga nagpapanuyo nga igpawaray kapas an travel tax nga iginpapatuman ha ilarom han Presidential Decree No. 1183 ngan han Tourism Act of 2009.
Sumala kan Majority Leader Marcos, an travel tax in naabot ha P2,700 para ha first class ngan P1,620 para ha economy class nga nakakadugang hin gastos, ngan nagpupugong ha pagios han Pilipino nga nabiyahe para ha trabaho, pamilya ngan iba pa nga oportunidad.
Gintagan duon ni Marcos nga kadam-an ha iba nga nasud han ASEAN in gintatangal na an sugad nga buhis gud nga paribhungo an urismo ngan kalakalan, sanglit nagigin dehado an Pilipinas matungod nga nagpapabilin pa ine.
Ha ilarom han balaodnon, an pondo para ha mga ahensya in presente nga nakakatagamtam ha travel tax sugad hiton TIEZA, CHED, ngan NCCA, lugod in ig-aalutaga nala ha General Appropriations Act.
