NATIONAL NEWS– Ginmando han Sandiganbayan Fifth Division a 90-ka-adlaw nga preventive suspension kontra ha 3 nga opisyal han Department of Public Works and Highways (DPWH) kasumpay ha mga kaso nga plunder ngan graft nga kanit ha anomalya nga flood control project.
Ha duha nga magkabulag nga resolusyon,ginmanduhan han anti-graft court hira DPWH district engineers Manny Bulusan ngan Arturo Gonzales Jr.,ngan assistant district engineer Denryl Cortuna nga temporaryo “cease and desist” ha ira trabaho o sa anuman nga posisyon ha gobyerno.
Subay ha Sandiganbayan, importante nga masuspinde anay an mga opisyal agud nga dire nira maimpluwensyahan an imbestigasyon o makaghimo pa hin mga posible nga pagtalapas samtang nagpapadayon an hearing han kaso.
Ginklaro naman han korte nga bisan ada ha presuhan an mga akusado, dire hine awtomatiko nga ginbabalyun an mga mandato nga balaod nga nagbabawal ha ira trabaho samtang mayda kaso nga ginkaka-atubang.
Mababaruan nga hira Bulusan, Gonzales, ngan Cortuna in kalakip ha mga co-accused ni senator Jinggoy Estrada ha kasong plunder kanit ha flood control scandal.
