TACLOBAN CITY– Nanawagan hi Pangulong Ferdinand “Bongbong” Marcos Jr. para ha regular nga inspeksyon ngan maintenance han San Juanico Bridge kinada tulo katuig agud nga masigurado an katalwasan han mga publiko nga magamit han nasabi nga tulay.
Ine an nagin pamahayag han Presidente ha iya nagin pagbisita ngan inspeksyon ha Amandayehan Port ha Basey, Samar, nga temporaryo nga nagsisirbe nga alternatibo nga rota para ha mga sarakyan nga dire gintutugutan nga makatabok ha nasabi nga tulay.
Dugang pa hiton Pangulo, delikado na an kondisyon han San Juanico Bridge subay ha panginano han Department of Public Works and Highways (DPWH).
Ginpaangbit pa hine, nga nakipaghimangraw hiya ha mga residente, nagawas nga waray kapanginano ha nakatalaan nga schedule han maintenance han nakalabay nga tuig rason nga nagresulta ine han kaguba hiton tulay.
Ginkumpira gihapon han DPWH nga ha ira pinaka-urhi nga inspeksyon, nahibaruan han mga ine nga seryoso an problema ha
estruktural nga integridad han San Juanico Bridge.
