TACLOBAN CITY – Karuyag ni Samar Governor Reynolds Michael Tan nga tanggalon an mining ngan logging icons ha Official Seal han probinsiya
Sumala kan Tan karuyag hini nga igbalyu an imahe han Philippine Eagle ha revised provincial seal design tungod nga makikit an ini ha probinsiya han Samar partikular na ha bungto han Paranas, kon diin syahan ini nga nakit an ha nasod dida han 1896 han English explorer nga John Whitehead
Sumala pa han mao nga opisyal nga an imahe han Philippine Eagle in nagrerepresentar hin gahum ngan kusog han probinsiya
Dugang pa hini nga iton presente nga official seal han in diri na daw nagpapakita ha kon ano iton may ada an probinsiya ngan hiton mga programa hini
Nagdig on gihapon an mao nga opisyal nga natipa hiya ha anuman nga klase hin pagmimina ha probinsiya han Samar tungod nga diri ini kaparte han Spark Samar agenda nga nagpropromote hin sustainable tourism ngan nakakaruba ini ha kalibungan
Mayda da gihapon existing nga ordinansa an probinsiya nga nagbabawal ha operation han minahan ha Samar.
Ginpirmahan liwat hiton gobernador an pipira nga notices han cease-and-desist orders han pipira nga kompanya nga nagquaquarry ha ira probinsiya Gindig unan ni Tan nga primero nga obligasyon han gobyerno nga pudngan an mga aktibidad nga makakaruba ha kalibungan ngan makakadaot han mga molopyo ngan ha masunod nga henerasyon.
Gin aaghat naman ni Tan an tanan nga Samarnons nga bumulig ha paisan isan ha pag conceptualize ngan pagdesinyo ha bag o nga official seal han probinsiya
Iton magdadaug nga desinyo hini in makakarawat hin P50,000 ngan ini nga desinyo in magigin kaparte ha history hiton Samar.
