TACLOBAN CITY – Mapasinalamaton hi Samar First District Congressional aspirant Stephen James “Jimboy” Tan ha pormal nga pag-endorso ha iya han Iglesia Ni Cristo (INC) ha tidaraon nga piniliay ha Mayo 9, 2022.
Una hini, gin endorso gihapon han INC an UniTeam ni presidential aspirant anay senator Bongbong Marcos ngan vice presidential aspirant Inday Sara Duterte.
Sumala kan Tan, iya iginkakalipay an formal endorsement han INC ha iya kadungan han saad nga dire niya kakawangon an mao nga suporta.
Padayon daw niya nga igduduso an mga programa nga makakabulig ha ngatanan labi na an mga kablasanon ha primero distrito ha probinsya han Samar.
Kilala an INC kumo usa nga maimpluwensya nga relihiyon ha bug-os nga Pilipinas ngan magin ha bug-os nga kalibutan nga nagpapatuman han tinatawag nga bloc voting o pagsuporta han ngatanan nga miembro hini kun hin-o man an ira pipilion ha eleksyon.
Samtang, nanawagan naman hi Tan ha ngatanan nga padayon maging kalmanti ngan pilion an malimpyo ngan mahimyang nga piniliay.
