NATIONAL–Ginsapubliko ni Senador Erwin Tulfo an iya Statement of Assets, Liabilities, and Net Worth (SALN) kun diin makikit-an nga maabot ha P497,003,425.13 an iya bug-os nga karikohan yana nga tuig.
Basar ha certified true copy han SALN nga ginpagawas han office of the Senate Secretary Atty. Renato Bantug Jr., may mga utang hi Tulfo, upod na an 4 ka personal loan, car loan, credit card, ngan insurance nga maabot ha P159.2-M.
Ha parehas nga dokumento, maabot ha P210.9-M an kabug-osan nga pesyo han mga real properties han senador kalakip an 11 ka residential lots ngan usa nga agricultural land.
Samtang, maabot naman ha P445.3-M an presyo han mga personal nga properties han senador kalakip an mga alahas, kwarta ha banko, share of stocks, mga gamit, investments, mga sarakyan, ngan 4 ka pusil.
An pinakamahal nga sarakyan ni Tulfo, maabot ha P30-M nga ginpalit han 2021.
Mababaruan nga ada ha 4 nag mga paryente ni Tulfo an nagtratrabaho ha gobyerno kalakip an mag-asawa nga Raffy ngan Cong, Joycelin Tulfo, usa nga umangkon, ngan usa nga anak.
