NATIONAL – Suportado han Safe Schools Philippines (SSP) an Senate Bill No. 2805 nga may panuyo nga amyendahan an charter han Movie and Television Review and Classification Board (MTRCB) nga may panuyuan nga mas maproteheran an kabataan tikang ha mga delikado nga online.
Ha ilarom manggud han balaudnon, magkakamay-ada hin kapas an MTRCB nga irehistro an mga content provider ngan video-on-demand streaming platforms, pero dire hine sakop an pre-approval nga content.
Lugod, panuyo hine nga makigbinuligay sa mga streaming companies agud tutukan ngan ig report an mga content nga posible makaraot ha kabataan.
Sumala ha pahayag han SSP, importante an nasabi nga pitad agud maproteheran an mga kabataan tikang ha visual violent, maglaw-ay nga sulod han usa nga content, cyberbullying, ngan iba pa nga online content.
Nanawagan gihapon an grupo para ha pagkakaurusa ha paghahatag hin talwas ngan mahinungdanon nga media para ha mga kabataan.
