Nagpabuto hin “warning shot” an usa nga warship han Russia harani ha usa nga yate nga may watawat han United Kingdom ha English Channel kun diin, nahitabo an insidente dida han Martes, Hunyo 16, 2026.
An frigate han Russia nga Admiral Grigorovich ngan an UK-registered yacht nga ginngaranan nga Bright Future an mga dabi ha nasabi nga insidente.
Sumala ha Ministry of Defense han Russia, nagbuhat hin “delekado nga pag-daop” an yate pakadto ha ira barko ha butnga han madakmol nga burong.
Mahuman nga waray magbag-o an kurso han yate, dinhi na nagpabuto an commander han Russian warship hin warning shot gamit an gugti nga armas agud malikayan an pagbunggoay.
Samtang, ginkumpirma naman han Ministry of Defense han UK nga nag-imbestigar hira ha nasabi nga insidente. Waray naman may nasamaran nga sakay han yate ngan danyos nga nahipatik ha nasabi nga sarakyan.
