MOSCOW, RUSSIA – Ginbay-og hin halawig nga drone ngan missle strikes han Russia an Ukraine dida han gab-i han Mayo 5, nga umigo ha power grid ngan iba pa nga imprastraktura, ngan iginkamatay han dire maubos lima ka-tawo samtang 39 an samaran.
Sumala ha Ukrainian Air Force, gumamit an Russia hin 11 Iskander-M ballistic missiles ngan 164 drones ha magkasurunod nga pag-atake. Bisan man na-intercept an kadam-an, may pira nga missles ngan drones nga umigo ha mga target kaupod an mga pasilidad han enerhiya han Ukraine.
Nahipatik nga naigo an mga natural gas facility han Poltava ngan Kharkiv regions.
Mahitungod hini, ginkondena ni Ukrainian President Volodymyr Zelensky an mga pag-atake, ngan gintawag ini nga “utter cynicism” an Moscow, labi na nga ini in ginbuhat durante han cease fire.
Sumala ha Russia, magpapatuman ini hin unilateral ceasefire ha mga maulpot nga adlaw han pagselebrar ha Victory Day, pero pahimatngun hini nga mabulos hira kun umatake an Ukraine.
