NATIONAL NEWS – Posible nga natural nga nahitabo an nga nadiskubrehan nga tambak nga durog nga mga corals harani ha Sabina shoal o kilala gihapon ha tawag nga Escoda shoal ha West Philippine Sea.
Ine an igin pahayag ni Dr. Jonathan Anticamara, marine scientist mula sa University of the Philippines Institute of Biology nga pumakadto ha nasabi nga lugar para magdumara hin marine scientific survey.
Napakianhan gihapon an nasabi nga opisyal kun mayda gudman reclamation activities ha Escoda shoal mahuman nga igpahayag han Philippine Coast Guard nga an durog nga mga corals in igintambak kumo pangandaman para ha island-building han China.
Sumala hine dire 100% nga sigurado kun mayda gudman paglabog han mga corals o reclamation ha lugar mahitungod nga waray makit-an an China nga naglabog ha lugar sugadman in naobserbahan daw nga ha mga nakalabay nga tuig in nagtitikadamo an tambak nga durog nga corals.
