TACLOBAN CITY – Gindumara hiton Philippine Army an Reserve Officers’ Training Corps (ROTC) Games ha Ilo-ilo City.
An nasabi nga paisan-isan in dida pa daw han nakalabay nga nga tuig ginpa-planuhan pagbuhata kun diin panuyo hine nga maaghat an mga kabataan nga bumulig ha ROTC.
Sumala kan Lt.Col. Arturo Dumalagan, Operation Officer hiton 8th Regional Community Defense Group han Reserve Command Philippine Army, an nasabi nga paisan-isan in nationwide nga gindumara hiton Philippine Army pero ha pagkayana in regional competition pala iton ira nahuman.
An mga delegasyon nga bulig ha Visayas leg in natikang ha Region 6, 7, ngan 8 kun diin dire la army an bulig kundi pati gihapon an airforce ngan navy ngan may-ada gihapon representante nga ginpadara an pira nga mga Higher Education Institution (HIEs) para bumulig han nasabi nga paisan-isan.
Mahitungod han kakulang han pangandaman ngan mga preparasyon in dire tanan nga event in may-ada representante an rehiyon, pira han mga nabuligan hine in amu an basketball (3×3), volleyball (girls), arnis, athletics, boxing, kickboxing, ngan relay.
Ha kaluyo naman han kakulangan hin oras ha preparasyon in nakakuha la gihapon an delegasyon han rehiyon 8 hin 25 nga bronze medals ngan 1 naman nga gold medal.
Samtang, nakatalaan naman nga pagbuhaton an national level han kompetisyon yana nga maabot nga Oktubre ha presente nga tuig.
