Temporaryo nga igin ubos han Department of Transportation (DOTr) ngan Philippine Ports Authority (PPA) ha Php1 an RORO Terminal Fee (RRTF) han mga sarakyan nga nagdadara hin mga agricultural products.
Ini nga pitad in kaparte han direktiba ni Pangulong Ferdinand Marcos Jr. nga pa-uboson an epekto han hitaas nga presyo han lana ha transport sector mahitungod ha nahihinabo nga krisis ha Middle East.
Sakop han reduced fee an Type 3 vehicles sugad han Light Delivery Trucks, Vans, ngan Pick-Up Trucks, ug Type 4 vehicles sugad han Heavy Delivery Trucks nga may karga na raw ngan unprocessed agricultural products.
Sumala kan Transportation Secretary Banoy Lopez, ini nga pitad in kaparte ha polisiya han gobyerno ha food security, price stabilization, ngan logistics efficiency.
Dugang pa hini, makakabulig an paghibubo han RORO Terminal Fee ha operating costs han mga tag-iya ug driver han sarakyan nga may karga nga agri products.
Nagtutuo pa hi Lopez nga kinahanglan magpadayon an biyahe han mga essential goods ha kaluyo han hitaas nga presyo han lana.
Ha pagkyana, an terminal fee in aada ha butnga han Php65 ngada Php516 depende ha klase han sarakyan.
Ha ilarom han bag-o nga polisiya, mahihimo nga piso an bayad han mao nga terminal fee ha sakob hin unom ka bulan.
