NATIONAL–Ginbalabgan ni anay Presidential Spokesperson Atty. Harry Roque an paghangyo han Pilipinas para ha usa nga Interpol red notice kontra ha iya.
Gintawag han anay opisyal na pagtalapas ini ha international regulation ngan an panggigipit ha iya in durot han mga politically motivated nga kaso.
Ha usa nga pahayag, mahugot nga gindiwara ni Roque an hangyo nga red notice, ngan ginduon nga hiya in usa nga protektado nga bona fide asylum seeker ha ilarom han balaod han Netherlands ngan an European Union.
Sumala ha iya, may opisyal hiya nga dokumento tikang ha Dutch Immigration and Naturalisation Service nga napapamatud nga protektado an iya estado.
Nanindigon pa hi Rouque nga an kaso nga syndicated trafficking kontra ha iya in peke ngan parte han gintawag niya nga pagbulos han administrasyong Marcos kontra ha mga alyado han anay Pangulo Rodrigo Duterte.
Ginmalatumat gihapon ni Roque nga an hangyo han gobyerno para ha Interpol Red Notice in usa nga pagtalapas ha legal framework han Interpol, partikular na an Article 2 han Interpol Constitution nga naglalatag han mga obligasyon han organisasyon ha katungod pantawo, ngan an Article 3 nga nagbabawal ha mga ko nga ‘pan-politika’.
Dugang pa hini nga nagpasa na hiya hin pormal ngapagbalabag ha Commission for the Control of Interpol’s Files, an ahensya nga mayada obligasyon nga mag-review hin mga hangyo para ha red notice, ngan ginhangyo nga dire aprubaranan gin-aaro han oyerno hiton Pilipinas.
