ODD NEWS– Usa nga “badminton-playing robot” nga ginhimo han Zhejiang Shenchen Kaidong Technology Company an opisyal nga world record holder mahuman ine nga makipagsabayan ha top human players han China ha usa nga badminton match.
Ha gindumara nga demonstration ha Shaoxing, Zhejiang, malinampuson nga naibalik han mobile robot an shuttlecock hin 1,452 nga magkakasunod ka beses nga dire ine nahuhulog ha tuna, rason agud nga makuha hine an titulo nga “most consecutive badminton counter hits with a mobile robot”.
An nasabi nga athletic robot in dire la makina kundi gindesinyo ine gamit an advanced vision ngan motion controls nga may precision nga umabot ha milliseconds.
Matungod ha teknolohiya, nahihimo hine nga basahon an gios hiton shuttlecock ngan nagios naman ine hin madagmit ngan pulido agud nga saluhon ngan igbalik an tira hin waray wantas, nga nagpapamatuod ha madagmit nga pag-ursa han robotics ngan AI nngan may kapas ine nga tupngan an pisikal nga stamina ngan reflexes han mga atleta.
